MAWU OYAMBIRIRA

Mbatata ya Kachewere ili ndi kuthekera kwakukulu kothandizira kupanga ndalama, kubweretsa chakudya cha pakhomo, kuthandizirapo chitetezo cha mthupi komanso kupereka mphamvu yokhala ndi moyo wozidalira tokha ngati a Malawi. Kachewere atha kulimidwa kwa chaka chonse kuno ku Malawi.

Cholinga Chachikulu

Kupititsa patsogolo chidziwitso ndi luso pakati pa alimi ang'onoang'ono pa ulimi wa Kachewere. Kuonjezera apo, cholinga china ndi kusintha miyoyo ya anthu powonesesa kuti chakudya chikupezeka m’makomo komanso ndalama zomwe alimi angapeze mu ulimi wa Kachewere.

Pamapeto pa gawoli, alimi azitha kupanga izi:

• Akhale ndi kuthekera kosankha mbewu yabwino komanso kadzalidwe ka Kachewere
• Amvetsetse machitidwe a bwino a nthaka ndi kasamlidwe ka Kachewere
• Amvetsetse momwe angathanilane ndi tizilombo komanso matenda a Kachewere
• Kuchepesa kuonongeka kwa Kachewere akakolora

 

ZOFUNIKIRA KUTI KACHEWERE AMERE BWINO

Zofunikira mu dothi

• Kachewere amachita bwino mu dothi la mchenga wotayana bwino komanso lodzala ndi zinthu zachilengedwe zomwe zimakhala ndi mulingo wa mchere (PH) 5.0 – 6.5. Dothi lamchenga limathandizira kukulitsa mitsitsi mosavuta.
• Ndikoyenera kuyeza mulingo wa mchere wamu dothi ndi cholinga choti tidziwe mmene dothi la nthaka yathu lilili ndi kukonza ngati kuli koyenera. Dothi lamchere limapangitsa kuti mbatata ikhale ndi mamba komanso khungu lolimba, zomwe zimatchedwa Nkhanambo.
• Mtundu uliwonse wa dothi ukuyenera kulimidwa bwino ndi cholinga choti mpweya uziyenda bwino komanso kulima kwabwino kumathandiza makulidwe a Kachewereyo.

Zofunikira zokhudza kafundidwe

• Kachewere amakula bwino m'malo ozizira mu kafundidwe kosachepera ma digiri 16^o     C komanso osaposera ma digiri 18 ^oC. Kuika kwa Kachewere kumachitika mu masiku ochepa (maola a dzuwa osakwana 13). Kachewere amaika bwino masiku omwe kumada msanga. Masiku amene kumachedwa kuda Kachewere saiika mwachangu. Kufunda koyenera kusachepere ma digiri 15 komanso kusaposere ma digiri 20. Kufunda koposera apa Mbewu ya Kachewere simera ndi kukula bwino.

MITUNDU YOVOMEREZEKA

Chuma

 

Maonekedwe: Yokhala ndi khungu lofiyira losalala, yowoneka ngati yozungulira, yachikasu  ndi timadontho ting’onoting’ono mkati

Maonekedwe a Mbewu: Mtundu wautali wokhala ndi tsinde lowonda komanso yokhala ndi maluwa oyera

Kagwirisidwe ntchito: Tchipisi

Kupilira ku matenda: Imapilira kwambiri ku chiwawu komanso tizilombo.

Kucha : imachedwerapo kucha (imatenga masiku osachepera 90 komanso osaposera 120)

Kuthekera kwa zokolola: titha kukolora ma kilogalamu osachepera 14,000 -16,000 pa Ekala

 

 

 

 

 

 

Violet

                                                                                                                       

Maonekedwe: Yaitali komanso imaika mbatata ikuluikulu, Khungu lofiilira komanso mkati mwa chikasu chotuwilapo. Imakhala ndi mphukila zoonekelatu

Maonekedwe a Mbewu: Mtundu wautali wokhala ndi tsinde lowonda komanso yokhala ndi maluwa oyera

Kagwirisidwe ntchito: tchipisi

Kupilira ku matenda: Ndiyosapilira ku chiwawu.

Kucha: imatenga masiku osachepera 90 komanso osaposera 105

Kuthekera kwa zokolola: titha kukolora ma kilogalamu 10,000-12,000  pa ekala

 

 

Rosita

Maonekedwe: Ili ndi khungu lofiyira, yaitali maonekedwe, mbatata yake imaika yokulilapo komanso ikuluikulu. Yachikasu mkati ndi timaso timaso

Maonekedwe a Mbewu: mkhalatsonga ndi yotalikilapo ndi masamba amphamvu obiriwira. Imatulutsa  maluwa ochepa ndipo maluwawo amakhala oyera ndi utoto wofiirira

Kagwirisidwe ntchito: tchipisi

Kupilira ku matenda: Ndiyosapilira ku chiwawu.

Kucha: Imacha mwachangu (masiku 90)

Kuthekera kwa zokolola: titha kukolora ma kilogalamu 7,000-10,000  pa ekala

 

 

Thandizo

Maonekedwe: Mbatata ya khungu loyera/kirimu,  mkati mwa chikasu motuwa, mbatata yozungulira

Maonekedwe a Mbewu: Zomera zapakatikati mpaka zazitali zomwe zimaphuka kwambiri; makamaka maluwa oyera

Kagwirisidwe ntchito: Tchipisi

Kupilira ku matenda: Ndiyopilira ku chiwawu komanso tizilombo

Kucha : Imacha mwachangu (masiku 90)

Kuthekera kwa zokolola: titha kukolora ma kilogalamu 14,000-16,000 pa ekala

 

 

 

Zikomo

Maonekedwe: Mbatata ya khungu loyera/kirimu, mkati mwa chikasu motuwa, mbatata yozungulira

Maonekedwe a Mbewu: Mkhalatsonga, siitalika kwambiri, nthambi zamphamvu, masamba otambalala otuwilapo obiliwira, maluwa ofiilira

Kagwirisidwe ntchito: Tchipisi

Kupilira ku matenda: mbewuyi imapilirako ku chiwawu ndi tizilombo

Kucha : Imacha mochedwa (masiku 90 - 115)

Kuthekera kwa zokolola: titha kukolora ma kilogalamu14,000 pa ekala

 

 

 

 

 

Mwai

Maonekedwe: Mbatata yozungulira zakhala ndi khungu lofiilira, mkati mwa chikasu motuwilapo ndi timaso timaso

Maonekedwe a Mbewu: Mkhalatsonga yotalikilapo ndi nthambi za mphamvu.

Kagwirisidwe ntchito: Tchipisi

Kupilira ku matenda: mbewuyi imapilirako ku chiwawu ndi tizilombo tambiri

Kucha: Imacha mochedwa (masiku 90 - 120)

Kuthekera kwa zokolola: titha kukolora ma kilogalamu osachepera 14,000 pa ekala

 

 

 

Lady Rosetta      

                                                 

Maonekedwe: Mbatata yozungulila, ya khungu lofiila ndi maso osalowa kwambiri otayana mofanana, ili ndi nsidze zoonekela kwambiri, mkati mwake mwa chikasu motuwira.

Maonekedwe a Mbewu: Ili ndi nthambi zitalizitali, komanso chiwerengero chabwino cha tsinde zapakati. Ili  ndi masamba obiriwira kwambiri

Kagwirisidwe ntchito: Tchipisi

Kupilira ku matenda: Mbewuyi ndi yosachedwa kugwinda ndi chiwawu

 

Kucha: Imacha mochedwa (imatenga masiku 110 – 120 kuti iche bwino)

Kuthekera kwa zokolola: titha kukolora ma kilogalamu osachepera 12,000 pa ekala

 

 

Mtukulapakhomo

Maonekedwe: Mbatata yozungulira komanso ya khungu la kirimu. Yoyera mkati

Maonekedwe a Mbewu: Mkhalatsonga yotalikilapo ndi masamba obiriwira. imatulutsa maluwa mochepa ndipo zimakhala ndi maluwa apakati.

Kagwirisidwe ntchito: Yabwino kuphika, kukazinga komanso ku kasha

Kupilira ku matenda: mbewuyi imapilirako ku chiwawu

Kucha : Imacha mofulumirapo (masiku 90 - 110)

Kuthekera kwa zokolola: titha kukolora ma kilogalamu osachepera 12,000 pa ekala