KUKOLORA / KUKUMBA KACHEWERE

Alimi kukolora / kukumba ndi kuyika mmatumba Kachewere

Fundo Zoyenera kudziwa pakakololedwe ka Kachewere

• Nthawi ya Kucha: imakhala pakati pa miyezi 3 – 4 mutadzala kutengera mtundu
• Mbatata zomwe zimakololedwa zisanakhwime zimakhala zazing’ono, ndipo zimakhala ndi khungu losakhwima, zomwe zimatha kupangitsa kuti palowe tizilombo toyambitsa matenda.
• Komabe, Kachewere yemwe walimidwa ngati mbewu amakololedwa msanga, pofuna kupewa matenda ofalitsidwa ndi virus omwe angayambe kumapeto kwa nyengo yolima.

Mfundo Zofunika:

• Kachewere aphimbidwe ndi dothi kuti muchepetse kubiriwira komanso kulowa kwa njenjete za mbatata
• Kudula masamba patatsala masabata awiri musanakolole kumakhwimitsa khungu la Kachewere. Kuumitsa kwa khungu kumachepetsa kuwonongeka kwa Kachewere wanu panthawi yokolola ndi kusunga
• Kachewere wokumbidwa ayenera kusungidwa mwaukhondo,  pa malo owuma, akhale wa khungu lokhwima lopanda mabala, tizilombo toononga komanso matenda.
• Kuti asawole, musamutsuke Kachewere ndi madzi, koma koma mutha kumupukuta kuti muchotse dothi ndikumu sunga pamalo ozizira ndi owuma.