ZOFUNIKA KUTSATA PODZALA MBEWU

• Kachewere amadzalidwa kuchokera ku mbatata ndipo amadzalidwa bwino mumizere
• Mbatata iyenera kukhala ndi ‘diso’ limodzi kapena mphukira. Siyani ma mbatata pamalo amthunzi kwa sabata imodzi kapena ziwiri musanabzale kuti mphukira ziwumitsidwe.
• Dzalani mbatata zomera bwino ndikuwonetsetsa kuti mphukira zaloza mmwamba.
• Dzalani mbatata mozama 5cm pansi ndi 30cm motalikirana ndi mzake
• Dzalani Kachewere itangogwa mvula yoyamba.
• Kachewere amakula bwino akadzlidwa pa munda osaphatikiza mbewu ina iliyonse.

Miyezo ya Feteleza:

• Podzala, wazani kaye D Compound ndikuphimba fetelezayo bwinobwino ndi dothi lokwana 5 cm
• Mukadzala mbatata yanu, muyenela kuthira feteleza pasanathe sabata imodzi
• Mlingo uyenera kukhala motere: makilogalamu 80 pa ekala limodzi
• Ikani magalamu 15 pa phando, ikani feterezayo ma centimita 5 patali ndi mbewu
• Mukhozanso kugwiritsa ntchito manyowa
• Pakatha masabata atatu, thirani fetereza okulitsa wa CAN pamulingo wa 80Kg pa ekala iliyonse.

Zindikirani:

Musagwiritse ntchito Feteleza wa UREA chifukwa ali ndi mchere wa Nitogen wochuluka popeza umalimbikitsa kukula kwa zomera ndi kuwononga kaikidwe ka mbatata.

Zofunikira zokhudzana ndi Madzi

• Kachewere amafuna mvula yapakati pa ma millimita 850 mpaka ma millimita 1,200 pa nthawi yomwe Kachewere yu akukula.
• Chinyezi chochepa komanso chosinthasintha chimapangitsa mbatata yomwe ikuika kuti ionongeke.
• Kuthirira nthawi ya m’mawa komanso chakumadzulo ndikolimbikisidwa chifukwa kumathandiza kuchepesa kuuluka kwa madzi kudzera mmasamba chifukwa cha dzuwa.

Kasamalidwe ka Udzu Omera

• Kupalira mokwanira kumafunika kuti pakhale zokolola zambiri
• Mutha kulapira ndi manja
• Kupalira kuchitike tchire likamera kumene kupewa kudzula limodzi ndi mbatata yoti yayamba kuika.
  • Kupalira koyamba: pakapita sabata imodzi kapena awiri Kachewere akatuluka
  • Kupalira kachiwiri: pakapita masabata anayi kapena asanu mbewu zikamera.

• Osapalira nthaka ikanyowa kuti dothi lisasinjike
• Mbewu zikaphuka masamba ake amabisa mizere yonse ndipo izi zimathandiza kuchepetsa tchire.

Munda wa Kachewere opalilidwa bwino