• Nsabwe – popopelani mankhwala a Dimethoate 20WP pa mulingo wa 34g mu 14 litres ya madzi.  
• Mbozi – popopelani mankhwala a Carbaryl 85WP, 35g mu madzi ochuluka 14 litres mu knapsack sprayer kapena mu 1 liter  mukagwiritsa ntchito ULV Sprayer

Kangaude Wofiira:  

• amakonda kukhala kunsi kwa masamba ndipo amaoneka amadontho madontho otuwa komanso pa zipatso.
• Amaoneka wachikasu ndipo amakonda kukhala mmagulu
• Amachulukana mwansanga  ndipo amatha kuononga tomato wambiri mu nthawi yochepa

Kuchepetsa kwake:

• Nazale iyikidwe kutali ndi mbewu zimene zagwidwa ndi matenda kapena tizilombo
• Wokelani mbewu za mphamvu zokhazokaha; Wonetsetsani kuti mbewu zikulandira madzi ndi chonde chokwanira.
• Bzalani mbewu zimene zimapangitsa kuti tizilombo timene timadya kangaude wofiira tizipezeka mmunda monga nandolo.
• Zulani ndikutentha mbewu zimene zagwidwa ndi kangaude akangoyamba kumene kulowa mmunda.
• Onetsetsani kuti mmunda mwanu mukhale mopanda udzu.
• Popalira, kukwezera kapena kuthira feteleza, malizirani mbali imene mwayiwona kuti yagwidwa ndi matenda kapena tizilombo.

Chidziwitso: Kangaude wofiira amakonda malo otentha ndi opanda chinyezi. Kuchepetsa kutalikirana kwa mbewu kungathandize kuchepetsa kangaude wofiira.

Agulugufe Woyera

• Agulugufe woyera amaononga tomato kuyambira kunazale mpaka kumunda
• Masamba a tomato amene wagwidwa ndi kangaude woyera amaoneka mwachikasu
• Pewani kufesa kapena kuokera mbewu munyengo yomwe kuli a gulugufe woyera ambiri

Kuchepetsa kwake:

• Osanetsetani kuti mmunda mulibe tchire musanabzale mbewu.
• Thirani neem yemwe amachepetsa kuchulukana ndi kukula kwa mbozi ndi kuchepetsa kufalikira kwa tizilombo ta Agulugufe oyera.
• Bzalani mbewu zomwe zimachepetsa a gulugufe woyera.

Thuku/ Kafaluvi/Getsi

• Matendawa amapangitsa kufota ndi kufa kwa mbewu ngati kwatetha 32^oC ndi kupitilira.
• Mbewu imafota ili ndi masamba obiriwila.
• Mukadula thunthu lofotalo mkati mwake mumakhala mokuda ndipo mukafinya mumatuluka zoyera, zachikasu kapena za phulusa.
• Matenda akakula, mkati  mumakhala bowo

Kuchepetsa kwake

• Zulani mbewu zomwe zagwidwa ndi matendawa.
• Bzalani mbewu mwakasinthasintha.

Kufota kwa tomato

• Matendawa akagwira tomato mtengo wake umaduka, mkati mwake mumakhala mizere yofiirira
• Kunsi kwa masamba  kumaoneka chikasu
• Masamba a mbali imodzi akhoza kukhala okhudzidwa pamene mbali ina ilibe zizindikiro.
• Masamba amatenda amathothoka okha.
• Matendawa amafala kupyolera mu mbewu komanso mu nthaka.
• Matendawa amachuluka mmalo omwe nthaka yake ndi ya mchenga.

Kuchepetsa kwake

• Bzalani mbewu zovomerezeka ndi zopilira kumatendawa.
• Musaike nazale malo amene matendawa akudziwika kuti adakhalapo
• Thilani manyowa kuti muchepetse mchele wa m’nthaka
• Wonetsetsani kuti musathire feteleza wokulitsa mopitirira muyeso

Chiwawu Chobwera moyambilira

• Masamba amapanga madontho madontho wozungulira angati katondo.

Kuchepetsa kwake

• Bzalani mbewu zovomerezeka ndizopanda matenda.
• Ngati mukugwiritsa ntchito mbewu yanu, gwiritsani ntchito madzi otenthera.
• Tsatilani ulimi wa kasinthasintha ndi mbewu zina zimene sizili mu gulu la tomato
• Zikilani tomato ndi kuchotsa sakasi.
• Popelani mankhwala a copper ngati matendawa apezeka.

Chiwawu Chobwera mochedwa

• Masamba amakhala ndi madotho owoneka obiriwira akamayamba kumene
• Madontho amasintha mtundu ngati katondo ndipo masamba amafota ndikuwuma koma sathothoka.

Kuchepetsa kwake

• Bzalani mbewu zopilira kumatenda.
• Chotsani sakasi ndi kuzikira tomato.
• Tsatirani ulimi wa kasinthasintha.

Blossom end rot (Physiological disorder)

• Matendawa amabwera chifukwa chosowa mchele wa calcium komanso kusathirira mowirikiza.
• Amagwira kunsi kwa chipatso cha tomato.
• Chipatso chimayamba kuwola koma powolapo pamakhala powuma.

Kuchepetsa kwake

• Kuthilirani tomato mokwanira.
• Thilani laimu mu nthaka imene ilibe calcium wokwanira.
• Popelani mbewu ndi 0.5% calcium chloride pamene zayamba kuyika chipatso