11. KUKONZA MASOMPHENYA

Masomphenya ndi zinthu zimene munthu, gulu kapena banja amakhazikitsa kuti adzakhale atakwanitsa pa nthawi imene akhazikitsa. Masomphenya amathandiza kuti munthu, banja kapena gulu athe kukonza ndondomeko ya zimene angapange kuti adzapeze zofuna zawo.

 Zofunika polemba Masomphenya

• Poyambilira aliyense (mayi, bambo, mnyamata ndi mtsikana) pakhomopo alembe masomphenya ake.
• Aliyense afotokoze masomphenya ake kwa onse apa khomopo.
•  Kenako agwirizane ndi kulemba masomphenya a khomo lonse kutengera zomwe aliyense analemba.
• Polemba masomphenyawa nkofunika kulingalira kuthekera kwakhomolo kukwaniritsa maso mphenyawo munthawi yomwe yaikidwa, mwachitsazo pa zaka zitatu.

Ndondomeko Yolembera Masomphenya

Masomphenya amawonetsa tsogolo lowala. Timajambula monga tayelekedzera m’musimu.

1. Jambulani zomwe muli nazo pakalipano mu mpira oyamba (circle 1).

2. Jambulani zomwe mukufunitsitsa mutakhalanazo pa zaka zitatu zikubwerazo - masomphenya (circle 2).

3. Fufuzani ndikujambula mwayi kapena zomwe zingakuthandizireni kukwaniritsa masomphenya anu (opportunities to achieve your vision).

4. Fufuzani ndikujambula zokulepheretsani/zokupingani kukwaniritsa masomphenya anu (constraints to achieve your vision).

5. Jambula milozo (zomwe mukufuna kukwaniritsa) chaka ndi chaka kufikira zaka zitatu molingana ndi masomphenya anu m’mipira yolembedwa 5. Kumbukirani kuti 5 oyambilira akuyimilira chaka choyamba.

6. Jambulani zintchito zomwe mudzigwira kapena kuchita kuti mupeze zomwe mwajambula m’mulozo (zomwe mukufuna kukwaniritsa). Izi zilembedwe pa mlozo uliwonse (chaka ndi chaka).

CHITSANZO CHA MASOMPHENYA

KALONDOLONDO WA MASOMPHENYA

Dzina la Banja:                                                         Chaka:
Masomphenya:                                                        Tsiku lopangila kalondolondo: