• Nyongolotsi: zimaononga mizu ndipo mizu imaola.
• Nankafumbwe: Tizirombo timakumba mabowo akuda mu mizu ya mbewu ya nthochi. Zilombozi zimapezeka kwambiri m’malo osapalilidwa bwino.

Kupewa tizirombo:

• Kubzala ana anthochi aukhondo.
• Palirani minda molongosoka.
• Bzala mitundu ya nthochi yopilila.
• Pamene mbewu yakhudzidwa kwambiri ichotsedwe ndipo pamalopo pabzalidwe mbeu yina.

Black Sigatoka

• Matenda awa amakhudza masamba ndi nthochi.  Amayamba ndi mizele yakuda imene imatalika ndi nthawi ndikusintha mtundu kukhala a mtundu wa ngati matope.
• Matenda awa amapezeka kwambiri nthawi ya mvula ndipo matenda akapitilira mbewu zimafa
• Bzalani mbewu zopilira kumatendawa komanso mwakasinthasintha.

Nthomba

• Matendawa amgwira masamba ndipo amapangitsa masambawo kukhala amadonthomadontho ndikunduka a chikasu.
• Bzalani mbewu zopilira kumatendawa komanso mwakasinthasintha.

Fusarium Wilt

• Imatseka mmene mumadusa madzi mkati mwa mtengo wanthochi.
• Amaononga mizu ndi tsinde lanthochi.  
• Matendawa amagwira kwambiri mitundu yanthochi ya magombo ndi zambia.
• Amapezeka kwambiri mu dothi la makande.

Khate(athracnose)

• Matendawa amapangitsa makoko anthochi kukhala a madonthomadontho ndipo akapitilira nthochizo zimaola.
• Otchani zipatso zonse zimene zagwidwa ndi matendawa.
• Zokolola zimene sizinagwidwe ndi matendawa zisungwidwe ku malo osungila zokolola a ukhondo.
• Onetsetsani kuti nthochi zosupuka zisapite malo ena.

Cigar-end rot

• Matendawa amagwira nsonga za nthochi ndipo nthendayi ikapitilira chipatso chonse chimada.
• Pewani matendawa pochotsa timaluwa ku nsonga kwa nthochi zikakhwima.

Kuwola kwa mizu

• Matendawa amaoletsa mizu ya mtengo wa nthochi ndipo pamaoneka khungu loyera.
• Dulani mitengo yosafunika yonse zaka ziwiri isanafike nthawi yobzala nthochi.

Chisaka

• Matendawa amagwila mitundu yonse ya nthochi.
• Amafalisidwa pamene zobzalila mbewu zikusunthidwasunthidwa.
• Amapangisa mbewu kukula mopinimbira ndipo masamba ake amakhala ofota komanso okhakhala.
• Imabeleka ana ambiri kuposa m’mene mbewu yopanda matendawa imabelekera.
• Bzalani mbewu yaukhondo ndi yopanda matenda.
• Zulani ndikutentha mbewu zogwidwa ndi matendawa.