Chotsani zisa zakale mu mng’oma. Siyanitsani uchi ndi chisa, kuopetsa kuti chisa chingalowe mu uchi. perekani zakudya komanso mpata kuti njuchi zidzadze. Gawani gulu la njuchi kumathandiza kuti njuchi zisaunjikike malo amodzi, izi zimachitika pogawa zisa 12 mpaka 15 kupititsa mu mng’oma ina.

Pewani phokoso ndi kuyendayenda, mafuta onukhira ndi zina zonukhilitsa. Fukizani utsi pofoola njuchi kuti zifatse. Pewani kupha njuchi, chikufwa kumakwiyitsa njuchi zina.  Potsegula mng’oma fukizani utsi polowera kenako pitani kumbuyo ndipo dikilani mphindi ziwiri kuti mudziwe komwe kuli uchi musanachotse chotsekera pa mng’oma. Osafukiza utsi wambiri, pakuti umatha kununkhisa uchi. Pewani kuwunjikana kwa njuchi.

• Ngati pakugwilitsidwa mankhwala opopela kapena Fumbi, mlimi ndi mlimi wa njuchi akuyenera kugwilila ntchito limodzi kuti njuchi zitetezedwe.
• Ngozi itha kupewedwa ndi mlimi posathila mankhwala mu maluwa omwe njuchi zimadya, mlimi wa njuchi akuyenera kutsekera njuchi zake mu mng’oma usiku wa tsiku limene akufuna kuthila mankhwala kupewa kuti mankhwala asagwere pa mng’oma yake.
• Munthu atha kupewanso izi poika mng’oma kutali ndi malo amene akusungira mankhwala ophera tizilombo.