Anthu amabwereka zinthu zosiyanasiyana monga/ zakudya/ zipangizo zakumunda/komanso ndalama//

Tingathe kubwereka ndalama kumalo monga; Ku banki, kumagulu osunga ndikubwerektetsa ndalama komanso kwa achibale, anzathu ndi kwina kwambiri

Nchifukwa chiyani anthu amabwereka ndalama

• Kuthetsa mavuto ogwa mwadzidzi monga maliro, matenda, ndi zina zotero.
• Kulowetsa ku bizinezi kapenanso kupangira mazko monga kugula malo kapenanso munda
• Kugula katundu wosiyanasiyana wa pa banja woti mtengo wake ndiwoposera ndalama zomwe timapedza monga kugula ngolo, kapena njinga

Dziwani kuti sichanzeru kwenikweni kubwereka ndalama ndicholinga chogula zakudya/ kupangila ziliza kapenanso ukwati// chifukwa ndizovuta kubweza kwake. Ndikoyenera kulowetsa ndalamazo ku bizinezi chifukwa bizinezi ikhoza kubweza ngongole//

Udindo wa wobwereka ndalama

• Kubweza ngongole pa nthawi yake chifukwa zimakhala ndi mavuto ake monga kulipira chindapusa
• Kutenga ngongole yomwe mungathe kubweza mosavuta
• Kubweza pa nthawi yake ndi chiwongoladzanja chomwe

Zotsatira za kulephera kubweza ngongole

• Munthu amataya mwayi wa ngongole ina mtsogolo
• Mbiri yako imayipa
• Komanso kulandidwa katundu

Mungatenge ngongole yochuluka motani

• Kutenga ngongole yodutsa ndalama zomwe mumapeza zimabweretsa chipsinjo pa moyo wanu
• Ngongole yanu isadutse 30% ya ndalama zomwe mumapeza

Zofunika kudziwa musanatenge ngongole

• Tsiku loyenela kubweza ndalama komanso chiwongola dzanja choyenela kupelekedwa
• Onetsetsani kuti chomwe mukufuna kugula chidzakubweretserani ndalama kwa kanthawi ndithu
• Katundu wogulidwa adzapanga ndalama yochuluka yokwanira kubweza ngongoleyo

Pomaliza, dziwani kuti ngongole ndi chikakamizo kuti mukatenga mukuyenera kukabweza ndithu