Chinangwa ndi mbewu imodzi ya mgulu la mbatata. Ndichofunikira chifukwa timapezamo chakudya, ndalama komanso mbewu. Chinangwa chimabzalidwa moonjezera mmadera amene chimanga sichimachita bwino. Madera a m’mphepete mwanyanja monga Nkhotakoata, Rumphi komanso madera awa, Kasungu, Mzimba, Lilongwe, Dedza, Dowa, Machinga ndi Mulanje chimabzalidwa ngati mbewu yochepetsa chilala. Masamba achinangwa ndi ndiwo komanso chakudya cha ziweto.

Pomaliza pa phunzilori alimi akuyenera kudziwa:

• Njira zabwino zoyenera pa ulimi wa chinangwa
• Mmene tingapewere matenda a chinangwa ndi tizilombo
• Kasamalidwe ka zokolola

Mitundu yachinangwa ilipo khumi ndi iwiri, ina mwa iyo ndi iyi;

• Imakula bwino ndi mvula yosachepera 1000mm mpaka 1500mm ndipo mbewuyi yimapilira kuchilala.
• Chinangwa chimakula bwino kumalo otentha kuyambira 25 mpaka 29°C ndi 20⁰C kumalo otentha, chinangwa chimachitanso bwino.  Kumalo ozizira ndi 17 ⁰C chinangwa chimachitanso bwino.
• Chinangwa chimakula bwino mudothi la mchenga, miyala, losasunga madzi komanso lolowa bwino mpweya.
• Dothi la miyala yambiri, limamanga kakulidwe kamizu ya chinangwa