1. Alimi, tetezani zokolola zanu ku mbava/ potsatira malamulo a m’dera lanu wothana ndi umbava wa zokolola.
2. Konzani ndondomeko ya chakudya chokwanira anthu onse a banja lanu pa chaka/ (kuphatikizapo mulingo wa matumba 6 wolemera 50Kg a gulu la Chimanga, 30 Kg ya gulu la nyemba pa munthu m’modzi pa chaka).

Chitani moyelekeza/ mtengo wogulitsira mbeu zanu: Gawani ndalama zonse zomwe mwalowetsa pa ulimi wa mbeuyo ndi malingana ndi kuchuluka kwa zokolola za mbeuyo; wonjezanipo phindu loyambira pa 15% kuti mupeze mtengo wogulitsira mbeu yanu.

Chepetsani kuola kwa mbeu: pindani mapesi kuti chimanga chizolike pansi ndipo madzi a mvula akhe bwino; Kololani mbeu za m’gulu la nyemba ndi kuziumitsa bwino ndipo tetezani mbeu ku mvula kapena chinyontho.

Kololani mbeu zikakhwima ndikuziumitsa pa mphasa, mkeka, kapena lona mpaka mbeu ziumitsitse (14%) kuti muchepetse nkhungu ndi chuku kuononga mbeu.

Pezani mankhwala kuchokera kwa wogulitsa/wopereka wodalirika kudzera m’gulu la alimi ndipo agwiritseni ntchito potsatira ndondomeko zolembedwa pa chikutiro.