11.KUNOZGA CHIWONA/MASOMPHENYA

Chiwona ndi ndondomeko zavinthu vo munthu, gulu pamwenga banja wajalikiska vakupambana mukawiro ndivo wenavo pasonu vowakhumbira kukwaniliska kunthazi panyengo yo wakhumbiya. Chiwona chitovya kuti munthu, banja pamwenga gulu akwaniski kunozga ndondomeko zenizo angapanga kuti azisaniye vowakhumba. Ntchigawa chakwamba chochitovya mabanja kuwona maloto ngawo kukwaniliskika ndi kwamba kughanaghana vo wakhumba kwambapo m’moyo wawo pa ulendo wa chitukuku wenuwu.

Vyakukhumbika Pakulemba Chiwona/Masomphenya

Ma membala ngose nga pakhomo ndi magulu ngagawike m’magulu nga jenda (anthulume ndi anthukazi pakuwija kuwope kutaniliya kwa gulu limoza) kupanga chiwona chawo ndipo pavuli paki abanyi fundu zachinthukazi ndi zachinthulumi ndikupanga chiwona chimoza cha pakhomo.

Kalemberu ka Chiwona /Masomphenya

 Masomphenya ngawonesa nthazi yakuwala. Tijambuwa ngamo tayelekeze m’mphata umu.

1.Jambuwani vo mwenavu pasonu panu mu bola lakwamba (circle1).

2.Jambuwani vo mukhumbisisa kuja navo pa vyaka vitatu vo vituzavo masomphenya(circle2).

3.Fufuzani ndi kujambuwa mwawi pamwenga vo vingakuwovyani kukwanirisa masomphenya     nginu (opportunities to achieve your vision).

4.Fufuzani ndi kujambuwa vyakukutondekeskani kukwanirisa masomphenya nginu (constraints to achieve your vision).

5.Jambuwani vyakulongo (vo mukhumba kukwanirisa) chaka ndi chaka kufikiya vyaka vitatu mwakulingana ndi chiwona chinu m’mabola ngongalembeka5. Kumbukiyani kuti 5 wakwambiliya wayimiliya chaka chakwamba.

6.Jambuwani zintchito zo mugwirengi pamwenga kuchita kuti musaniye vo mwajambuwa m’vyakukhumbika (vo mukhumba kukwanirisa). Izi zilembeke pa chakukhumbika chechose (chaka ndi chaka).

CHAKUYELUZIYAPO CHA CHIWONA/MASOMPHENYA