JENDA
jalidu lilondo vinthu vo anthulumi pamwenga anthukazi atenere kuti achitenge m’chigawa.
ULUNJI MUJENDA (GENDER EQUITY)
Ulunji mu Jenda (gender equity)
Kuyanana mu jenda (gender equality)
UCHIBULUMUTIYA MU JENDA (GENDER BLINDNESS)
KUZIWA VA JENDA (GENDER SENSITIVITY)
KUSAZGANA MUMA UPU MUVIGAWA (SOCIAL INCLUSION)
KAWUNIWUNI MU JENDA (GENDER ANALYSIS)
ZIWANI IVI: jenda ndi chibadwi vyakupambana. Jenda yisintha chakuyeluziyapo mnthulumi wangakolola vingoma chimozimozi mnthukazi. Chibadwa chisinthacha nge munthikazi waziwa konkhesa mwana kweni mnthulumi wangawonkhesacha chinanga vingavuta uli.
2.0 KUPAMBANISKA JENDA NDI CHIBADWI
MWENECHU NYUMBA ABAYA MUNTHU NDI FUTI
Usiku unyaki mwenechu nyumba wanguvwa kubwentha kwa galu pabwalo ndipo wangujula windu ku chipinda ndikuona munthu wachiyenda mwakunyanyatiya (tip-toeing) kutuliya pa chisasa cha mpanda Nyengu yeniyo mwenecho nyumba yuwa waguto futi ndikuwombe munthu yuwa ndipo wangufwiya penipo. Watiwawoneseska munthu wakufa yuwa, mwenecho nyumba yuwa wanguliya mwakukweza “amayo ndabaya mwana wangu’’Nyengo yeniyo wanguto futi yiya ndikujiwombe ndikufwiya penipo. Penipo vyachitikanga ivi, mwanayo watuliyanga kuchiwona mnyake mwakugwentha waka mnyumba kwambula kulayira.
Kambiyanani ivi:
Aghanaghaniyani kuti ndimwi mwenga mlonda wapanyumbapo panyengoyo ndipu apolisi akhumba kulemba ukaboni wavyo vinguchitika, mungalongoso wuli pavyo vinguchitika.
Mwakuyeruziyapu:
• Wakubaya mnyake wenga yani?
• Kumbi penga ubale uli pakati pa wakubaya ndi wakufwa?
• Kumbi wakubaya uyu wenga mnthulumi pamwenga wenga mnthukazi?
• Kumbi wakubayika wenga mnthulumi pamwenga wenga mnthukazi?
• Kumbi ntchine chingumupangiska wakubaya uyu kuwombe mnyaki uyu
• Ntchifukwa uli wakubayika uyu wanguza panyumba usiku?
Sono fumbani wanthu wawi panyaki watatu kuti wasaziyepo pamwenga kutuziyapo pavyo wakamba wakwamba yuwa. [Vwisiskani mo wanthu yawa akalongosoliyanga za wanthu wawi yawa. Anandi alongoso kuti wakubaya ndi wakubayika mbanthulumi (wisi ndi mwana wake mnthulumi)
Kugogomezge:
Malizani ndikukamba kuti, yanga ngenga waka mayeso kuti tione mwenimo tawanthu tighanaghaniya za mijalidu ya wanthulumi kweniso anthukazi mmizi mwidu. Maghanaghano ngenanga ngatuliya muvyo tajumphamo, maghanaghano, kuziwa kwa vinthu vinyaki.
Gogomezgani zakukhumbika kwakuvwisiska mwenimo maghanaghaniro ngamunthu kweniso kotituliya kutovya mo tighanaghaniya nkhani za jenda kweniso chibadwa mmoyo widu wazuwa ndi zuwa. Masambiro anga ngatiwovyenge kuvwisiska nkhani za jenda kweniso mwenimo nkhani zenizi zikhwasiya chitukuko kuphatikizapo kayendesero ka magulu ndi makhomo ngidu
JENDA NDI CHITUKUKO CHA ULIMI KUZIYA MU MASUKULU NGAPA MUNDA (FARMER FIELD SCHOOL), MABANK MNKHONDE (S4T) NDI MAGULU NGAKUSANIYA MISIKA YAKUGOMEZGEKA (CPG/CV) VITENERE KWENDE LIMOZA
Kuyende pamoza kwa masambiro nga jenda ndi masambiro ngapa munda, Mabank mnkhonde ndi ma CPG/CV kungawovya kuti chitukuko chiluti panthazi mwakunozge weyose; ada, ama, ampupuka ndi wanthu wo wendiulumali wakupambanapambana; pakhomo, pagulu, ndi m’mizi yidu. Pasonu pano magulu nganandi ngaproject ya THRIVE ngawoneka kuti mamembala nganandi mbama. Chinanga kuti ivi ve viyo, maudindo nganandi ngaulongozi watoleka mbada kweniso ada ndiwo atopo lwandi ukongwa pankhani yakulongolo pavyakuchitika m’magulu yanga.
Udindu wa Chibadwi (Sex Roles)
Ndi udindo wowuziwika mwakawilu ka munthu nge wa mnthulumi pamwenga mnthukazi. Udindu uwu wagona po munthu wakuwiya, ndi mnthukazi pamwenga mnthulumi. Mwakuyeluziyapo, udindo wa mnthukazi kume nthumbu ndi kubala mwana po mnthulume udindu waki nkhumika nthumbu ndipo ukasinthangapo cha.
Udindo wa Jenda (Gender Roles)
Umiya nkhalu, ntchito ndi maudindo zo gulu la wanthu liwona kuti zakwenere ku wanthulume, wanthukazi, ampupuka. Chijalidu cha fuku, chilongoso udindo ndi ntchito zozitenere kugwirika mwakumasuka ndi anthulumi kweniso anthukazi. Mwakuyeluziyapo, ku Chikwawa ndi udindo wa anthulumi kupha uteka penipo ku Mzimba anthukazi ndiwu atupha uteka. Udindo wa jenda ukhwasikaso ndi msinkhu, gulu,chisopa, fuko ndi mbiri yakali,ukaswili,chuma,HIV ndi AIDS, masambiro, ndale, ndi vinyaki vo viliko.
SAZA LA JENDA NDI CHIBADWI
Ndondomeko (Statement) |
Chibadwi |
Jenda |
|
1 |
Anthukazi wato nthumbu ndi kubala wana, wanthulume cha. |
* |
|
2 |
Asungwana mbakuzika ndipo mbamantha; anyamata mbachiganga ndipo mbakwanja kutembera |
|
* |
3 |
Anthukazi wabika ndi kutozga mnyumba; anthulume asaniya ndalama pakugwira ntchito za nthazi kubwalo kwa nyumba. |
|
* |
4 |
Anyamata asintha mazgu kolongo kukuwa, po asungwana ngasintha cha. |
* |
|
5 |
Anthukazi awonkhesa wana penipo anthulume angawonkhesacha |
* |
|
6 |
Anthukazi wendi udindu wakulera wana |
|
* |
7 |
Wanthulume mbakupanga visankhu |
|
* |
8 |
Wanthulume wapanga visankhu vya ndondomeko ya banja ndi unandi wa wana wo banjalo lingawa nawo |
|
* |