Asani  mwasankha malo ghamampha ghakuti muwikepo viziwa vinu, iyi nde nyengu yakuti mumangi viziwavo. Manyani kuti pa nyengu iyi mutene kuja wakuziwa kukula kwa viziwa va somba zinu.

Kukoza pamalo ngakumangpu chiziwa

• Jambulani mwakwenere pakuwika vikhomo pa malo ngo kuyana ndi kukula kwa viziwa vo munkhumba.
• Tuzganipu vimiti,vivwati kweniso misisi yosi pamalopo
• Dongu la pachanya losi lo le ndi nthaka, litenere cha kumangiya vimati va viziwa vinu. Chinauli, liphwerereni chifukwa lizamukhumbika kuthira pasi kweniso mumphepeti mwa viziwa asani mwalizga kuzenga ndi chakulata chakuti lizovyi kukuwa kwa takumera timanatimana tammaji to somba zitulya.

Kukuwa kwa viziwa va somba kweniso ndika jaliro kaki

• Milingu ya viziwa wulekanalekana kutolera ndi kukuwa kweniso kusondomoka kwa malo kweniso mulingu wa neti/chilepa chakukolera somba. Ukongwaukongwa, atoleya mo mlimi wakhumbila.
• Viziwa va rectangle ndivo vamampha limu. Kupatuwa kuti visuzga asani mukola somba, viziwa va viyo vivwiyaso kuti mphepu yiselegi mmaji kwambula suzgu makamaka asani muutali mwaki mweleleska ko kutuwira mphepu.

Kubila kwa viziwa

• Viziwa va somba vibila mwakupambanapambana
• Chinauli, manyani kuti asani musankha kubila kwa viziwa va somba zinu, kuwala kwa lumwi kufikengi pasi penechu pa viziwa.
• Nyengu zinandi, kubila kwa mulingu wa 1m kweniso 1.5m nkhwamampha chifukwa kupereka mwawi wakuti kuwala kwa lumwi kuselengi kwambula suzgu.