Ulimi wa somba mwakudumuwa ndiku kuweta somba mumalo ngakupambanapambana nga muviziwa, hapa, cage ndi muthanki zunuwapo vimana. Ulimi uwu uchitika ndichakulata chakusaniya phindu. Pali mitundu yinandi ya somba zo ziweteka pa ulimi uwu, kweni pano tilongosolengi za ulimi uwu kutole ndi mitundu yo yiweteka ukongwaukongwa ku Malawi.

Mitundu ya somba

Pali mitundu yinayi ya somba yo yiweteka ukongwa munu mMalawi. Mitundu yaki ndinge chilungumi chambo, makumba ndi mlamba.

Kuweta somba

Chinangauli mitundu yinandi ya somba zo ziweteka kunu ku Malawi zingawetekaso mumalo ngakupambanapambana, ukongwa alimi amanaamana atanja kuweta somba muviziwa. Viziwa va somba vitija vakupambanapambana. Patija viziwa vikulu kweniso vimana, vakubila ukongwa kweniso vakubila pamanavi. Milingu yaki yitija yakulekana chinangauli, viziwa  vo vakubila vija 1m mpaka 1.5m ndivo vitanjiwa chifukwa lumwi lisele umampha mpaka pasi. Viziwa va rectangle vamampha chifukwa vivwira kuti mphepu ziselengi umampha.