Mlongozi wa gulu panyaki muzi wamalonda wangalongosoleka ndivo iyu wachita. Ntchito zinyaki za mulongozi ndi izi;

• Kulongoza, kujalikisa ndi kudangili ma membala muvinyaki vapade
• Kulumikizanisa, kwendele, kuyimiliya mu umoza muvakuchitika pa msika
• Kulangiza ndi kwendesa vakuchitika vakupambanapambana mumagulu ndi mabungwi nga alimi

Mitundu ya alongolozi

Ulongozi wakuvya vawanthu; ndi ulongozi waku weyosi. Membela we ndi ufulu wakupanga chiganizo ndikupeleka mawanawanu kweni wo awina ndi wo avota anandi. Ichi chilimbikisika kweni chitenele kukoliyanaku ndivakulinga va muzi wamalonda, chilatu, ndondomeku ya ntchito ndivyakwene kukwanilisa.

Ndakambandakamba

Alongozi apanga wija viganizo va gulu. Asani alongozi apa chiganizo mamembala azomela waka kwambula mafumbu. Ulongozi uwu ngwakukanizika m’muzi wamalonda.

Ulongozi wakulelesa waka

Uwu ndiulongozi wo mulongozi walelesa waka vo vichitika ndi mamembala  nga gulu pakupanga viganizu vamo angachitila vinthu. Ulongozi uwu ngwakukanizika m’muzi wamalonda ndipu uchepeskeka ndi makomiti amana amana.

Ndondomeku ya mampha ya muzi wamalonda

Ulongozi wamampha utenele kuja

• Ujengi wakupangisa wanthu kuja pamoza
• Ujengi wakulongoso vinthu
• Ugawengi vakuchitika vyapa ofesi ndi alongozi
• Kulongozgeka ndi malamulo nga pa gulu
• Ujengi wakuyimiliya wosi, nge wamuzinyumba zakupambanapambana, ama, ada ndi vyaka vakupambanapambana
• Kuwoneseska kuti alongozi andondolza malamulo nga maofesi wo asakhikiyamu