Bizinesi ya alimi amanaamana wo akapanga pakulima mbewu panyaki kuweta viwetu. Mlimi yo wato ulimi nge ndi bizinesi, wandondoloska nthowa za makono zo zitimusazgiypu phindu, kuchepeska vo mungamukuliskila mpamba, kuchisele mumagulu kuti wasaniye vakugwiliskiya ntchito ndikuguliska katundu kwa agula akuluakulu pamoza

• Gulu la alimi wo ato ulimi nge bizinesi ndi kusintha gulu la alimi panyaki bungwi kutuwa ku ulimi umanaumana ndiwambula kulongosoka kufika kulimi wakuwona mo pamsika palili kuti musaniyi phindu ndi ndalama zakukwana.
• Kulima ndikuona povilili pamsika; kuziwa mo msika ulili, Kulima mbewu panyaki kuweta viwetu kulinga ndi uthenga wakujalikika wa misika, kundondolosa thowa zamakono, kupesa mpamba, kuja pamoza kuti muchepeski mpamba.
• Muzi wamalonda; ndikagulu ka vyamalonda mumuzi( ko kapangika ndi wo alima va malonda) kutuliya ku muzi wachisazo
• Magulu nga malonda; ndi timagulu timanatimna to tituliya mumuzi wamalonda to tija ndi wanthu wakukwana 15 mpaka 30 kutole ndimo afupikiliyana. Timagulu iti pangika kuja takusambiliyapu, kusungiyapu ndi kuziwisiya.
• Muzi wamalonda wachisazo; ndi nthowa ya makonu yo alimi asinthikiya kuja abizinesi ndikupikisana pa malonda
• Kulutiliza; ndikukwanilsa kwa alimi wo ato ulimi nge bizinesi pakupanga phindu mwakulutiliza kwambula chovu kutuliya ku ma bungwi panyaki boma.

Chifukwa uli muzi wachisazo;

1. Alimi akhumba ndondomeko zakukhazikika za ulimi
2. Nkhwambikiya kuja ndi ulongozi wakujalikika kuti pajengi unenesa pa bizinesi yakuchitiya pamoza
3. Kulimbiska malonda ngakuchitiya pamoza ndi akagula akuluakulu kutuzgaku vakutchinga

Nkhongonu za muzi wachisazo ndi ulongozi

Muzi wamalonda ndi gulu la malonda liyendeskeka ndi komiti yikulu ndi komiti yimana peposi. Ndondomeku ya ntchito ya muzi wa malonda ndi nkhongonu zakayendeskelo ka muzi wa malonda vimanga umoza ndi kukweza phindu lutiska panthazi chituku cha m’muzi. Makomiti anga nge viyo;

1. Kupanga, ndondomeku zamakonu ndi koleyanaku ndi vya nyengu
2. Kugulisa, kusonkhanisa ndi kuvisintha (processing)
3. Nthazi kwa achinyamata ndi anyinafwi
4. Kusanga, kuyikiza ndi ulimi wambula kugwirisa ntchito mayembi
5. Kuwovyana ndikupililana kwa m’muzi