Kasamaliru ka mbewu
5.1 Kulimiliya
- Dongu limala chakulya cha mbewu so asani lamela waka tilimiliya
- Nyengu yamampha yakulimiliya mmunda ndi asani kwamila kweniso kwe lumwi.
- Asani kwe mtika ukongwa tizuwengi waka ndi manja.
- Tilimilire kawiri panji katatu asani tendi ndalama tigule mankhwala ngakubayiya dongu round up panji bullet.
5.2 Kubandiya
- Ichi chituvya kuti misisi ya mbewu yileke kuja pakwelu
- Tibandiyi asani tadila feteleza wakubalisyira.
- Asani mwe mtika ukongwa tingabandiyanga cha chifukwa dongu likolana ukongwa cho chipangiska kuti mphepu yileke kwenda umampha mudongu.
- Kumalu nga muswa bandiyani vingoma veche vindafike mmakongonu kweniso dongu lingajanga kufupi ndi mbewu cha.
5.4 Kudila feteleza
- Vingoma ndi mbewu yo yikhumba nyata ukongwa. Kuti yikwle umampha kweniso kuti yije yinandi micheli yose yamudongu yije yakukwana
- Feteleza waakusitolu ndi CAN, 23;21;0 +4S, UREA
- Kweniso mungadila manyowa
- Dilani feteleza asani vingoma vame kuti vikuwe liwi.
5.4.1. Kadililu ka feteleza
- Kadililu kakuzomelezgeka ndikudolo kazenji kudila fetereza nakuunda
5.4.2. Mitundu ya feteleza
- Wakuliskira yo watenele kudilika asani tapanda panyaki mukati mwa mazuwa gha khondi nd ngawi kutuliya pazuwa lo vingoma vame wakuliskiya ndi 23:21:0+45 kweniso chija chamampha kufumba kwa alangizi wavyamalimidwi.
- Dilani wakubaliska asani pajumpha ma sabata ngatatu kutuliya pa zuwa lo vingoma vame Dilani UREA panji CAN.
5.4.3. Milingu ya feteleza
Fertilizer Mbewu ya Hybrid Ya Composite Yalokolu
(Kg/ha) (Kg/ha) (Kg/ha)
23: 21: 0 + 4S 200 100 100
Urea 175 150 75
CAN 200 200 150
S/A 200 200 150