Ntchunga
Kaphwelelu ka mbewu
Kulimiliya
- Mumunda muje mwakulimiliya masabata 6 panyaki 8 kutuwira pazuwa lakupandiya.
- Kulimiliya pafupipafupi nkhwamampha ukongwa chifukwa kachepeska kulimbana lumwi ndi maji pakati pa mbewu ndi dondu.
- Alimi amanaamana alimiya manja, kweni akuluakulu alimiya ma talakitala.
- Kuza kwa mankhwala ngakubayiya dondu kwachepeska ntchito yakulimiliya.
- Asani dondu lilimu limana mungazguwa ndi manja.
Kudilira
- Mtika wukhumbika mmasiku ngakwamba kweniso asani ntchunga zayamba maluwa ndi tuvipasu.
- Kusowa kwa maji panyengu yamaluwa kweniso asani tuvipasu twayamba kupangiska kuti maluwa ngamili vo vipangiskaso kuti tikololi vimana.
- Kudilira panyengu yamaluwa ndi tuvipasu nkhwakukhumbiya kuti ntchunga zije zikuluzikulu.
. Kujintha vimiti
- Kujinthilila tuvimiti kutovya ntchunga kukula zakunyoloka makamaka ntchunga zakutawa.
Kudila Feteleza
- Feteleza ngwakukhumbika kuti ntchunga zikuwi umampha. Dilani feteleza wakwamba panyengu yakupandiya ndipu wachiwi wadiliki Urea asani mwalimiliya. Asani feteleza wasowa dilani manyowa.
- 23:21:0+45 wakukwana 100kg ndiyo wakhumbika pa hekitala. Dilani 18g pamamita ngawi ngewosi