- Lekani kupanda mbewu yakuti yajumpha miyezi tchumi ndi yiwi 12
- Soya wankhumba mtika wamampha pakupanda
- Mu Malawi, soya titene kupanda mwezi wa December mpaka wa April, panyaki wakudiliya mu May/ June ndikukolo mu October panyaki mungapanda mudimba
- Soya wavuwa pandani asani vuwa yakwamba yawa yakukwana
- Soya mungapandanga kwambula vuwa cha panyaki kuswera cha.
- Wamuchilimwi kuswera cha, pandani mwezi wa May / June kweni mungajumphanga July cha.
Kusazga ndimankhwala
- Soya wapenja nyata yamampha kuti wakuwi umampha pamwenga wawi ndi nje zikuluzikulu.
- Nge ndimbewu zinyaki zamugulu la ntchunga, soya watene kusanga nyata mudonngu.Mankhwala ngapingiska kuti wasangi nyata.
- Kuti mugwilisi mankhwala mutene kuziwa ivi:
- Mutundu wambewu yo mwasankha
- Mbiri ya ndongu lo mwalimapu
- Pemitundu yiwi ya soya
- Zozisankha – izi zinkhumba kusazga mankhwala kuti zichti umampha pamalu ngongandalimikepu panyaki po paja vyaka vitatu kwambula kulimapu soya
Zakusazikana/ Zinyaki – izi zikolelanako umampha ndinyata yamudongu kwambula mankhwala. Tikolore ndi yija ya soya yoyikupangika kuti yipandikengingi mwaviyo muMalawi.
- Asani munda winu wungupandika soya vyaka vitatu vyajumpha, wupanda soya kwambula kusazga ndi mankhwala.
- Mankhwala ngakuzomelezgeka kusazga ndi soya ndi SOY inoculants. Mungamusaniya ku Chitedze, Bvumbwe ndi wosi wowaguliska vipangizu vyaulimi.
- Waguliskika mumilingu yakukwana 50g wowungakwana mbewu ma kg tchumi panyaki tchumi ndi ngankhondi (10-15kg). Kasazgilu kamankhwala kasanilika mukati mwamankhwala.
- Mankhwala ngakumbika kuko ndikusunga umampha. Asani mwasazga pandani mbewu yinu zuwa lenilo. Sungani mankhwala anga pamalu ngakuzizima ndi ngakumila.
Kapandilu ndi unandi
Mumizeli panyaki pambula mizeli ndi kutalikiyana kwaki:
- Pandani soya mumizeli panyaki mumabedi. Asani mupangengi mizeli yitalikani 75cm ndipu mupangepu timizeli titalikani 20-30cm. Asani mupandengi pambula mizeli pangani mizeli yakutalikana 45cm.
- Pandani kambewu kamoza pazenji mwakutalikna 5cm ndipu zenji lisele 2.5cm. Chitani viyo posiposi mumizeli panyaki mumabedi
- Mulingu wa mbewu zanje zikuluzikul ndi 80kg pahekitala (ha) ndipu zanje zimanamana 60kg pamwenga 65kg/ha nge ndi Tikolore.