Gulu la S4T ndi gulu lo wanthu akoliyanaku kwambiya wanthu tchumi (10) kufika wanthu matchumi ngawi ndi ndi wankhondi (25) wo wasonkha makopala pamoza ndikukongozana pamanapamana. S4T nja Mwezi tchumi ndi iwiyi (12) pamwenga chaka chimoza asani chaka chamala agawana makopala ndi kwambaso chaka chinyaki. Gulu la S4T lilongozgeka ndi wenechu wanthu ng’o mulangizi pamwenga  wanthu wanyaki wakulembeka ntchitu mu boma ndi ma bungwi.

Ntchitu yakusambizga magulu a S4T ye mumanja nga mlangizi wakumuzi (S4T Promoter) pamwenga wakujipereka(Voluntiya)  yo bungwi la World Vision likumusambizga lusu la usambizi. Uyu ndi munthu yo wasambiza kwawezi chechosi kupatuwako chovyu cho gulu litimupasa mwakhumbu lawu pakumuwonga pantchitu yo wawasambiza ndipu musambizi uyu watenere kuja membara wa gulu la S4T.

Ntchitu za Mulangizi wakumuzi ndi izi:

• Kupangisa misonkhanu kuziwisa wanthu za ntchitu iyi kweniso kupangisa magulu ngakusunga ndi kubwerekana makopala kumuzi.
• Kusambizga magulu ngakusunga ndi kubwerekesa makopala ngo wayambisa muchigawa chaki.
• Kuto mauthenga ndi kulemba malipoti ngo magulu ngaki ngakusunga ndi kubwerekana makopala mongatende.
• Kwende ndi kulimbikisa magulu ngakusunga ndi kubwerekana makopala asani ngalimbikiya cha pa ntchitu yawu.