Wanthu abwereka vinthu vakusiyanasiyana nge, vakulya, vilweru vakumunda kweniso ndalama

Tikhoza kubwereka ndalama kumalo ngati; Ku banki, kumagulu ngo ngakusunga ndikubwerektesa ndalama ndiposu kwa wachibali, anyidu ndi kunyaki

Chifukwa wuli wanthu abwereka ndalama

• Kumazga masuzgo ngazizizi nge nyfwa, matenda, ndi vinyaki.
• Kuseleska ku bizinesi pamwenga kugula malo panyaki munda
• Kugula katundu wakupambanapambana wa pa banja yo mtengo waki wujumpha ndalama zo tizisaniya nge kugula ngolo, pamwenga njinga

Mutene kuziwa kuti ntchamampha cha kubwereka ndalama ndichakulinga chakugula vakulya, kupangila viliza pamwenga ukwati, chifukwa zisuzga kuwezga. Chituwa chamampha kuti ndalama zisele ku bizinezi chifukwa bizinezi yingawezga ngongoli

Udindo wayo wabwereka ndalama

• Kuwezga ngongole panyengu yaki chifukwa zija ndi masuzgu ngaki nge kulipira chindapusa
• Kuto ngongole yo mungawezga kwambula suzgu
• Kuweza panyengu yaki ndi yakusazgiyapu yaki (interest).

Suzgu la kutondeka kuwezga ngongole

• Munthu wataya mwawi wa ngongole yinyaki munthaze
• Mbiri yako yinangika
• Kweniso kupokeka katundu

Mungato ngongole yinandi wuli

• Kuto ngongole yo yijumpha ndalama zo musanga viziska suzgu pa moyo winu
• Ngongole yinu yingajumphangacha 30% ya ndalama zo musanga

Vo mutene kuziwa muche mundato ngongole

• Zuwa lo mutene kuweza ndalama kweniso ndalama yo mutene kusazgiyapu (interest)
• Lelesani kuti cho mukhumba kugula chikupaskenini ndalama kwa kanyengu katali
• Katundu yo mwagula wapangengi ndalama zinandi zakukwana kuweza ngongole

Pawumalilu, ziwani kuti ngongole ndi chinthu chakuti asanai mwato mutene kuweza munthowa yeyosi