Welengani ndi kukambiyana Luka 8:40-56

SAMBIRU

Penipo Yesu wanguma ndikukamba nayu ma yuwa yo wadikanga ndopa,vingulongo lusungu lo lenga suzgu liheni pakati pa wanthu.Nchakwenere kulongo lisungu ku wanthu wo wasuzgika kweniso wosi wo wanthu watiwakana mu vigawa vidu.

Wanthu akambiyani nthowa zo angawovye wanthu wakusuzgika wakupambanapambana mu vigawa vyawu.

Vinthu pamwenga nkharu yo ilongo kuti pe lisungu

• Chanju pa Yehova
• Kwanja kugwira ntchitu zakovya ndi kutukuwa wanyawu.
• Kovya wasauchi/wakavu
• Kuja munthu wakufwasa wa mtima pasi.
• Kulimba mtima pokwamba  vinthu va le pamwenga va sonu kuleka va mwaka.

Yehova ngwa lisungu kwa ku weyosi

Wakugomezga we ndi udindu wakuwezge vinthu vo vanangika

Lisungu ndi nthowa yamampha pa kugwira ntchitu ndi wanthu wakusowa

Yehova wakutitumbika ndi vinthu vinandi kuti tije vitumbiku kwanyidu.

 Mtima wa lisungu upangisa wanyaki  kuvwa umampha kuti tenawu limoza kweniso kuti wavwengi kuti nawu wawerengeka nge wanthu wakukhumbika. Munthu asani wapasika mpata wakumuvwiya asani walongolo watijivwa mu mtima kuti we namwi limoza.

Mtima wa lisungu uwonekaso  pakumiya wanthu pa unenenesya/chilungamu kweniso kuonesesa kuti palivi mphatuku pakati pa wanthu,

Mtima wa lisungu utovya kuziwa vyakusowa vya wanthu wanyaki mwaluwiluwi ndikuchitapu kathu.

Mtima wa lisungu upangisa  kunozga kweniso kuyika ma plani ngakovye wanthu wanyaki dankha.

‘Pakuti mapiri yazamutuwapu ndiposo madambu ngazamunderezeka kweni kwanja kwa ku Yehova kwazamutuwaou cha pa iwi weketi viyo Yehova wa lisungu.” Yesaya 54:10